मन्त्री फेर्दै केपी – प्रचण्ड , ४ जनाको पद जादै, बिना थमौती हुन सक्ने

सत्तारुढ दल  नेपाल कम्युनिष्ट पार्टी (नेकपा) भित्र मन्त्री फेरवदल गर्ने बारे लामो रस्साकस्की भएको भएता पनि अन्ततः अध्यक्षद्धय मन्त्रिपरिषद सदस्य फेरबदल गर्न सहमत भएकाछन् । नेकपाका दुइ अध्यक्ष  केपी शर्मा ओली र पुष्पकमल दाहाल (प्रचण्ड) वीचमा केही संख्यामा मन्त्री चेन्जफेन्ज गर्ने निष्कर्ष निस्केको हो ।

केही मन्त्रीहरुबिरुद्ध अख्तियार दुरुपयोग अनुसन्धान आयोगमा उजुरी समेत परेको सुइको पाए पछि फेरबदलमा सहमत भएको बिषय बाहिरीएको छ ।

बिदेश भ्रमणका लागी अमेरिका जान लागेका प्रचण्ड मुलुक छोड्नु पुर्वनै  केहि फाल्ने र्केही ल्याउने कुरामा टुंगो लागेको बताइएको छ ।

फेरिने मध्य पहिलो चरणमा बाहिरिने मन्त्रीमा उद्योग तथा आपूर्ति मन्त्री मातृका यादव छन् । यादव मन्त्री बनेको ६ महिना पुग्नेवित्तिकै उनलाई हटाउने चर्चा चलेको थियो । यादवसँग प्रचण्ड स्वयंपनि असन्तुष्ट रहेको बताइन्छ । भनेजति काम गर्न नसकेको र नयाँ योजना ल्याउन नसकेको प्रचण्ड निकट बताउँछन् । उनले आफु निकट व्यक्तिलाई मनमौजी गर्न छुट दिएको पूर्वमाओवादीका नेताहरु बताउछन् ।

मन्त्री पद बाट हट्ने सूचिको अर्को नम्वरमा छन्, कृषिमन्त्री चन्द्र प्रकाश खनाल । खनाललाई पनि काम गर्न नसकेको भन्दै पार्टीं भित्र कुरा चल्ने गरेको थियो । खनालले किसानको पक्षमा काम गर्न नसकेको भन्दै प्रचण्ड निवासमा किसान संगठनका नेताहरुले पटक–पटक गुनासो गदै आएका छन् ।

प्रचण्डकि बुहारी तथा खानेपानी तथा सरसफाइ मन्त्री बीना मगरपनि पहिलो पटक फेरिने मन्त्रीको लिस्टमा परेको नेकपा उच्च स्रोतले बतायो । मगरलाई अर्को मन्त्रालयको जिम्मा दिने पनि संभावना छ ।

श्रोतका अनुसार यातायत व्यवस्था मन्त्री रघुवीर महासेठपनि पहिलो चरणमै फेरवदलमा पर्ने भएका छन् । सरकारले सिण्डिकेट हटाउन प्रयास गर्दा यातायात व्यवसायीसँग मिलेर हटाउन नदिएको आरोप पार्टीभित्र उनले खेपिरहेकाछन् ।