‘सुदर्शन’की श्रीमती ‘शुदृष्टी’ले लेखिन आक्रोश मिश्रत यस्तो भावुक स्टाटस

आश तमु
शुक्रबार, चैत्र १५ २०७५

नेत्र बिक्रम चन्द विप्लव नेतृत्वको नेपाल कम्युनिस्ट पार्टीका स्थायी समिती सदस्य तथा मध्यकमाण्ड इन्चार्ज हेमन्त प्रकाश ओली सुदर्शन गिरफ्तार भए पछि नेपाली राजनीतिमा विभिन्न खाले अड्कल बाजी र अनुमानहरु हुन थालेका छन । कोहि विप्लव वार्तामा आइहाल्छन भनेका झन भने कतिपयले झन चर्को रुपमा प्रस्तुत हुन सक्ने पनि बताएका छन । यद्यपि विप्लवले भने बिज्ञप्ती जारी गरेर आफ्नो पार्टीमाथिको प्रतिबन्ध फिर्ता लिन सरकारलाइ चैत्र महिना सम्मको अल्टिमेटम दिएका छन । यता सरकारले पनि चैत्र मसान्तसम्म सम्ममा गतिविधि सच्याउन समय सिमा दिएको छ ।

हिजो मात्र अदालतले तिन दिन भित्र हाजिर गराउन आदेश दिएको छ । गत बिहीबार सर्वोच्चले वलीलाई पक्राउ गरिएकोबारे सरकारसँग लिखित जवाफ समेत मागेको छ ।
हेमन्तकी छोरी विपना वलीले दायर गरेको बन्दीप्रत्यक्षीकरणको रिटमा सुनुवाई गर्दै प्रधानन्यायाधीश चोलेन्द्र शमशेर जबराको एकल इजलासले यस्तो निर्णय गरेको हो ।

अदालतको यो आदेश भएकै भोली पल्ट ‘शुदर्शन’की पत्नी अम्बिका चन्द ‘शुदृष्टी’ले सामाजिक संजाल फफेसबुकमा आक्रोश मिश्रत भावुक स्टाटस अपलोड गरेकीछन । उनले सुदर्शनले जनयुद्धमा खेलेको भुमिका र उनि सगैकाले गरेको उनकै शब्दमा बदमासी लाइ उल्लेख गरेकीहुन । सुदर्शन एक कर्मठ र आफ्नै मेहनतले यो स्थान सम्म पुगेका नेता हुन भनेकीछन । आफै लडेर ल्याएको ब्यवस्थामा सहिदका बाबुले समेत हथ्कडी भिर्नु पर्ने अवस्थाले सहि मानिस बस्ने ठाउ हिरासत भएको भन्दै राज्यको व्यंग्य गरेकी छन ।

उनको स्टाटस

नेपाली कम्युनिस्ट आन्दोलन तथा माओवादी जनयुद्धका एक होनहार ब्यक्ति, आफ्नो कडा र निरन्तर मेहनतले राजनीतिक र दार्सनिक छवि बनाउन सफल ब्यक्ति ,2052 सालमा जनयुद्ध थालनी गर्दा रुकुम राडी चौकी माथी गरिएको सफल आक्रमणका कमिसार हुँदै पछि जनमुक्ति सेनाको डिभिजन कमिसार सम्म , कसैको दयाले नभै आफ्नो मेहनतले माओवादी पार्टीको माथिल्लो तहमा पुग्न सफल , सहिदका पिता समेत रहेका ब्यक्ति , हाल बिप्ल्पले नेतृत्व गरेको नेकपाका स्थायी समिति सदस्य मेरो प्यारो दिलको राजा जिबन साथी हेमन्त प्रकाश ओलि सुदर्शन यही चैत ९गतेदेखि ललितपुर को प्रहरी परिसरको हिरासतमा रहेको सबैलाई जानकारी छ ।
सुदर्शन कै पुर्ब सहयोदाहरु (जो आलिसान बङगला र महङ्गो गाडिमा सयर गर्छन्)ले नै आज सुदर्शन जस्तो इमानदार ,निष्ठाबान ,होनहार ,ब्यक्ति को हातमा हत्कदी लगायका छन । मलाई लाग्छ असल मान्छेको बस्ने ठाँउ जेल हिरासत हो ,बहादुर छोराछोरीको लागि जेल हिरासत ट्रान्जिट प्वाइन्ट हाे ।
अर्को कुरा सुदर्शन को स्वास्थ्यस्थिति निकै कम्जोर छ ।उहाँ 7 वटा रोगको बिरामी हुनुहुन्छ , सुगर ,प्रेसर ,कोलेस्तोल,प्रोस्टेट,युरिकएसिड बाहेक टाउको र आँखा दुख्ने खाना नपच्ने ढाड र जोर्नीको दुखाइ बढीरहेको थियोे । केही महिना अगाडि चिकित्सक हरुले कम तनाव लिन मानसिक काम कम गर्न ,खान पान मिलाउन र सारिरिक अभ्यास गर्न सल्लाह दिएका थिए । तर उहाँ घरमा पढ्न लेख्ने बाताबरण नहुने र माओको अङ्ग्रेजी सस्करन नेपालीमा उल्था गर्नु छ भनेर जानुभएको थियोे ।उहाँको सुरक्षा संबेदनसिलता छ भनेपछि कहाँ बस्ने कहाँ जाने भन्नेमा मलाई थाह थिएन ।तर ९ गते बिहान मेरा साथिहरुले अन्लाईन मा समाचार हेरेर भनेपछि मात्र मलाई उहाँको गिरफ्तारी बारे जानकारी भएको थियो । हिजो मात्र उहाँको ब्लड प्रेसर नियन्त्रणमा थिएन । म कामना गर्दछु तपाईंको स्वास्थ्यमा सुधार आओस् ।