बारा र पर्साको हावाहुरी प्रभावित क्षेत्रमा प्रचण्ड र देउवा जाँदै

पोखरा- नेपाली काङ्ग्रेस सभापति नेकपा अध्यक्ष शेरबहादुर देउवा र पुष्पकमल दाहाल ‘प्रचण्ड’ बारा र पर्साको हावाहुरी प्रभावित क्षेत्रमा निरीक्षणका लागि जाने भएका छन्।

आइतबार साँझको हावाहुरीमा परी दुई जिल्लामा गरी २७ जनाको मृत्यु भएको गृह मन्त्रालयले जनाएको छ। ६ सयभन्दा बढी घाइते भएका छन्।

नेपाल कम्युनिस्ट पार्टी (नेकपा) का अध्यक्ष समेत रहेका प्रचण्ड बिहान ११ बजे सो क्षेत्रमा जान लागेका हुन्।यस्तै, कांग्रेस सभापति देउवा बिहान ९ बजे नै बारा जाने कार्यक्रम रहेको छ।

यसअघि सोमबार प्रधानमन्त्री केपी शर्मा ओलीसहित, उपप्रधान एवं स्वास्थ्यमन्त्री उपेन्द्र यादव, गृहमन्त्री रामबहादुर थापा, शिक्षामन्त्री गिरिराजमणि पोखरेलले उक्त क्षेत्रमा निरीक्षण गरेका थिए।