फार्मेसी काउन्सिलका अध्यक्ष बाबुरामलाइ कालोमोसो

फार्मेसी काउन्सिलका अध्यक्ष बाबुराम हुमागाईलाई कालोमोसो दलिएको छ ।

भारतमा पढेकालाई विना परीक्षा दर्ता प्रमाणपत्र दिने गरेको तर नेपाल र अन्य देश पढेकाहरुलाई अनिवार्य पुनः परीक्षा दिनु पर्ने बाध्यकारी प्रावधान बनाएको, घुस मागेको, आर्थिक प्रलोभनमा परी मापदण्ड नपुगेका शिक्षण संस्थाहरुलाई सम्बन्धन दिएको जस्ता आरोप लगाउँदै यौङ्ग फर्मासिष्ट ग्रुपले मुमागाईलाई कालोमोसो दलेको हो ।

त्यस्तै मनमोहन मेमोरियल ईन्स्टिच्युट अफ हेल्थ साइन्स र भ्याली कलेज अफ टेक्निकल साइन्सको सम्बन्धन नवीकरण,स्थानान्तरण र अध्यन–अध्यापन स्विकृतिको लागि २० लाख रुपैयाँ घुस लिएको ग्रुपले बताएको छ ।

औषधि ब्यापारिहरुसँग मिलि फर्मासिष्टहरुको पेशागत हित विपरीत काम गर्ने गरेको र केहीको सेवा सुविधा कटौती गर्नेदेखि जागिरबाट निकाल्न लगाउने सम्मको हर्कत गरेका कारण उनीमाथि कारबाही गर्नुपर्ने भएको फर्मासिष्ट ग्रुपले भनाई छ ।

अध्यक्ष हुमागाईले फार्मेसी काउन्सिललाई परिवार भर्ती केन्द्र बनाएको भन्दै सामाजिक बहिस्कारको लागि कालोमोसो दलेको फर्मासिष्ट ग्रुपको भनाई छ ।