सुरक्षा तैनाथी छल्दै नेकपाको मसाल जुलुस बन्दमा सघाउन अपिल

सरकारले प्रतिबन्धित गरेको नेत्र बिक्रम चन्द विप्लव नेतृत्वको नेकपाले असार १० गते मंगलबारको  नेपाल बन्द कार्यक्रम सफल पार्नका लागि सोमबार देश भर मसाल जुलुश निकालेको छ । उपत्यकाको पनि विभिन्न ठाउमा अहिले साझ मसाल जुलुस निकालेकाहुन । मुलुकको भर नै सरकारी चुनौती छिचोल्दै नेकपाले प्रदर्सन गरेको बताएको छ ।

सरकारले राजनीतिक गतिविधिलाई प्रतिबन्ध लगाएपछि नेकपाका दुइ जना भोजपुर जिल्ला सदस्य तिर्थ घिमिरे भोजपुरमा र सर्लाही जिल्ला इन्चार्ज  कुमार पौडेललाइ सर्लाहीमा हत्या गरेको भन्दै नेकपा आक्रोशित भएको छ ।

असार ५ गते सर्लाहीमा बिभत्स ढंगले कुमार पौडेलको हत्या गरिएको भन्दै असार १० गते नेपाल बन्दको आयोजना गरेको छ । नेत्र बिक्रम चन्द विप्लवले असार ६ गते एक बिज्ञप्ती जारी गरी बन्दको घोषणा गरेका थिए ।
पछिल्लो समय सरकारको गतिबिधिलाइ लिएर सत्तारुढ पार्टी  भित्र र बाहिर ब्यापक विरोध हुँदै आएको छ ।

सरकारले चन्द नेतृत्वको नेपाल कम्युनिस्ट पार्टीलाई आराधिक समुहको रुपमा परिभाषित गर्दै प्रतिबन्ध लगाउने निर्णय गरेको थियो । त्यसपछी नेकपाका स्थायी समिती सदस्य तथा मध्य कमान्ड इन्चार्ज सहित  ५०० को हाराहारीमा नेता कार्यकर्ता गिरफ्तार गरेको छ ।

आसार १० गतेको बन्द लाइ सफल बनाउन जनतालाइ आव्हान गर्दै उपत्यका लगायत देशका ठुला शहरमा मसाल जुलुस निकालिएको नेकपा स्रोतले बताएको छ । नेकपाले भोली १० गतेको दिन यातायात,कल कारखाना ,सबै शैक्षिक सघ सस्थाहरु बन्द गरेर न्यायपुर्ण आन्दोलनमा सहयोग  अपिल समेत गरेको छ ।