मायादेवी गाउँपालिका प्रमुख चौधरी चढ्ने स्कार्पियो गाडीमा आगजनी

कपिलवस्तु-अज्ञात समूहले मध्य राती मायादेवी गाउँपालिकाको स्कार्पियो गाडीमा आगजनी गरेको छ।आगलागीबाट गाउँपालिकाका प्रमुख बजरंगी चौधरी चढ्ने गरेको लु १ झ ४०० नम्बरको गाडी पूर्ण रुपमा जलेको छ ।

प्रहरी उपरीक्षक दीप शमशेर जबराले गाउँपालिकाको कामकाज सकेर सदरमुकाम तौलिहवास्थित आफ्नो भाडाको निवासमा पार्किङमा राखिएको गाडी गएराति करिब १०।३० बजे आगजनी गरिएको बताए ।

आगजनी कसले र कसरी गर्यो भन्ने आफूले पत्तो नपाएको गाउँपालिका प्रमुख चौधरीले बताए।
आगजनीको जिम्मेवारी भने कसैले लिएको छैन। गाडीमा लागेको आगो कपिलवस्तु नगरपालिकाको दमकलले आगो नियन्त्रण गरेको थियो।