डनकी प्रेमिका द्धारा प्रचण्डलाई ज्ञापनपत्र

चर्चित डन दिनेश अधिकारी ‘चरी’ प्रहरी इन्काउन्टरमा मारिए पछि केही समय मिडियामा छाएकी उनकी प्रेमिका खुश्बु ओलीले यती बेला माओवादी केन्द्रका अध्यक्ष प्रचण्डलाई ज्ञापन पत्र बुझाउन पुगेकीछन ।

अाफूले सञ्चालन गरेको आश्रय सेल्टर नेपालको लेटर प्याडमा उनले असहाय, अनाथ तथा सडक बालबालिकाको संरक्षणका लागि विस्तृत कार्यक्रम र भौतिक पूर्वाधारको विकासमा पर्याप्त बजेट विनियोजन हुनुपर्ने माग गर्दै प्रचण्डलाई ज्ञापन पत्र बुझाएकी हुन् ।

 

उनले मानव बेचबिखन, यौनशोषण लगायतका हिंसामा बालबालिकाको प्रयोग रोक्नका निम्ति सीमित कार्यक्रम बने पनि त्यसको व्यावहारिक कार्यान्वयन हुन नसकेको बताउँदै नेपालमा सडक, अनाथ तथा असहाय बालबालिकालाई संरक्षण र उचित शिक्षादिक्षाको प्रबन्ध गर्ने कार्य लक्ष्य अनुसार अघि बढ्न नसकेको उल्लेख गरेकी छिन् ।