महरा विरुद्ध प्रहरी वृत्तमा उजुरी, पक्राउ गरी ३ बर्ष कैद हुन सक्ने

संसद सचिवालयमा कार्यरत महिला कर्मचारीमाथि …को आरोप लागेका कृष्णबहादुर महराविरुद्ध जबरजस्ती क* र *णी उद्योगको उजुरी दर्ता भएसँगै प्रहरीले पक्राउको तयारी गरेको छ।

पीडित महिलाले महराविरुद्ध नयाँ बानेश्वर प्रहरी वृत्तमा शनिवार जबरजस्ती क* र *णी उद्योगमा उजुरी दिएपछि शनिवार नै प्रहरीले महरालाई पक्राउको तयारी गरेको हो।

पक्राउ गर्ने गृहकार्य बीचमै प्रहरीले गृहमन्त्री राम वहादुर थापासँग परामर्श गरेको थियो। गृहमन्त्री थापाको ग्रीन सिग्नल पाए लगत्तै प्रहरीले पक्राउको तयारी गरेको हो। प्रहरीले महरालाई पक्राउ गर्नुअघी संसदबाट निलम्वन गर्नुपर्नेछ। उसका लागि प्रहरीले संसदबाट स्विकृती लिन सक्छ।

गत आइतबार राति महराले आफूलाई ब*ला*त्का*र गरेको भन्दै हाम्राकुरा मार्फत रोशनी शाहीले खुलासा गरेको थिइन। लगत्तै मंगलवार नै विभिन्न दवावमा परि आफूलाई ब*ला*त्का*र नभएको भन्दै गरेकी थिइन।

स्रोतका अनुसार घटना भएको छैटौं दिन बानेश्वर प्रहरी वृत्तमा भएको लामो छलफलपछि उजुरी दर्ता भएको हो । प्रहरीले गरेको प्राविधिक अनुसन्धानमा महरा आइतबार रोशनीको कोठामा देखिएको पुष्टि भएको थियो। महरा स्वयंले पनि आफू रोशनीको कोठमा गएको बताएका थिए।

आफूमाथि ब*ला*त्का*र आरोप लागेपछि महराले सोमबार संघीय संसदको सभामुख पदबाट राजीनामा दिएका थिए । महरामाथि लागेको आरोप पुष्टी भएमा उनलाई ३० हजार जरिवाना र ३ बर्ष कैद हुन सक्छ।