क्रान्तिमा प्रेरित गर्ने पाका नेताहरुलाइ नेकपाको सम्मान

राजनीति
मंगलबार, चैत्र ११ २०७६

नेत्र बिक्रम चन्द विप्लव नेतृत्वको नेपाल कम्युनिस्ट पार्टी पाल्पाले नेपाली कम्युनिस्ट आन्दोलनमा लामो समय देखी योगदान गर्दै आएका पाका नेताहरुलाइ संमान गरेको छ ।

नेकपाले पाल्पा जिल्ला बाट कम्युनिस्ट आन्दोलनलाइ उचाइमा उठान गर्न महत्त्वपूर्ण भुमिका खेलेका ४ जना पाका नेताहरुलाइ संमान गरेको जनाएको छ ।

न्याय मुक्ति र समानतामा आधारित स्वर्णिम मानव मानव सभ्यता निर्माणका खातिर लामो समय सम्म क्रान्तिकारी कम्युनिस्ट आन्दोलनमा महत्त्वपूर्ण योगदान गर्नुहुने तथा जिवन्त अनुभव द्धारा नया पिढिलाइ नया क्रान्ति र बैज्ञानिक समाजवादका निम्ति प्रेरित गरिरहनुहुने अग्रजहरुलाइ सम्मान गर्नु नेकपाको दायित्व भन्दै उक्क्त सम्म्मान गरेको हो ।

पाल्पाको एक अज्ञात स्थलमा आयोजना सम्मान कार्यक्रम बोल्दै प्रमुख अतिथि जिल्ला इन्चार्ज प्रविनले संमान क्रान्तिकारी इतिहास प्रतीको श्रद्धा र भविष्य प्रतिको दृढता भएको बताएकाछ्न । उनले आफ्नो पार्टीले नेकपाले कम्युनिस्ट आन्दोलनमा योगदान दिने अग्रज नेताहरुको संमान गर्ने राजनीतिक सस्कारको सुरुवात र बिकास गरे भन्दै निरन्तर क्रान्तिको पक्षमा ज्ञान सम्प्रेषण गर्न र नया पिढिलाइ क्रान्तिमा प्रेरित गर्न बिशेष आग्रह समेत गरेकाछन ।

प्रमुख अतिथी प्रबिनले नेकपाले नेपाली कम्युनिस्ट आन्दोलनका पाका नेताहरु चित्र बहादुर आले र असारे काकालाइ संमान स्वरुप पार्टीको बिशेष भुमिका देखी जिवन ब्यवस्थापन सम्म गरेको स्मरण गर्दै यो नया राजनीतिक सस्कारको नेतृत्व नेकपाले गरेको प्रष्ट पारेकाछन ।

कार्यक्रममा ४ जना अग्रज नेताहरुलाइ संमान गरेको थियो । सम्मानित हुनेहरुमा टोपराज बस्याल माक्स बा, कृष्ण प्रसाद खनाल कोशोर,सोम बहादुर नेपाली बिजय र मानध्वज श्रेष्ठ रिम रहेकाछन ।