मोदीको मोडेलमा पार्टी एकता भएको वरिष्ठ नेताको खुलासा

विगठित एमाले तथा नवगठित अन्डरलाइन नेकपाका  प्रभावशाली नेताले भारतीय प्रधानमन्त्री नरेन्द्र मोदी र प्रधानमन्त्री केपी ओलीबीच देखिएको असमझदारी अन्त्य भएको बताएकाछन ।

एकतामा महत्त्वपूर्ण भुमिका रहेका नेता माधव कुमार नेपालले भारतीय प्रधानमन्त्री मोदीको भ्रमणपछि दुई ठूला कम्युनिस्ट पार्टी एकीकृत भएको भन्दै यसप्रति भारतको समर्थन र साथ रहेको बताए ।

अण्डरलाइन नेपाल कम्युनिस्ट पार्टीका वरिष्ठ नेता एवम् पूर्वप्रधानमन्त्री माधवकुमार नेपालले भारतका प्रधानमन्त्री मोदीको नेपाल भ्रमणपछि नेपाल—भारत सम्बन्धमा आइसब्रेक भएको दाबी गरे । उनले भने, ‘केपी ओलीजीले मोदीलाई गर्नुभएको स्वागत सत्कार र सम्मानले दुई देशबीचको सम्बन्धमा आइसब्रेक भएको छ । अब कुनै समस्या छैन । नेपाल–भारतबीच नङ र मासुको सम्बन्ध छ ।’ नेपाललाई कम्युनिस्ट देश बनाउन भारतको समर्थनविना सम्भवन नभएको नेता नेपालको भनाइ थियो ।

शनिबार राजधानीमा आयोजित ‘मोदीको नेपाल भ्रमण र भविष्यको सम्भावना’ विषय विचार गोष्ठीमा नेपालले भने, ‘मोदीको भ्रमणलाई नेपालमा दुई विचारधाराहरूले हेर्न थालिएको छ । एक निराशावादी र दोस्रो आशावादी । त्यहाँ निराश हुनुपेर्न कुनै आवश्यक्ता छैन । आशावादी हुनाले ठूलो सम्भावनालाई अगाडि बढ्न उत्प्रेरित गर्छ ।’

नेता नेपालले भारतीय प्रधानमन्त्री मोदीकै सहयोग र समर्थनमा दुई ठूला कम्युनिस्ट पार्टी एकीकृत भएको संकेत गरे । ‘वाम गठबन्धन र पार्टी एकीकरणमा भारतको ठूलो सहयोग छ’, नेपालले ओली–मोदीबीचको केमेष्ट्रिको भेद खोल्दै भने, ‘उहाँहरूको कुरा नमिलेको भए सायद यति ठूलो कम्युनिस्ट पार्टी बन्ने थिएन ।’