दुई दिनभित्र औपचारिक वार्ता हुन्छ : सरकार

दुई वर्षदेखि प्र’ति’ब’न्धि’त नेकपा विप्लव नेकपा र सरकारबीच वार्ताको तयारी अन्तिम चरणमा पुगेको छ । कुनै भवितव्य नभएमा एक दुई दिनभित्र वार्ता प्रारम्भ हुने उच्च स्रोतले बताएको छ ।

सरकारका तर्फबाट गृहमन्त्री रामबहादुर थापा ‘बादल’ स्वयमले डिल गरिरहेको बताइन्छ । वार्ताको लागि विप्लवको तर्फबाट औपचारिकहरूमा प्रतिनिधि चयन नभए पनि स्थायी समिति सदस्य खड्गबहादुर विश्वकर्मा ‘प्रकाण्ड’ ले नेतृत्व गर्ने सम्भावना प्रवल छ ।

संसदवादी र गैरसंसदवादी राजनीतिक दलहरूसँग एकैसाथ लड्न नसक्ने भएपछि सरकारले एकातिरको ल’डा’इँ’लाई थाती राख्ने उद्देश्यले वार्ता प्रारम्भ गर्न खोजेको स्रोतले बताएको छ । तर, सरकारले वार्ताको लागि मंगलबार बिहानसम्म विप्लव नेकपा समक्ष पत्र पठाइसकेको छैन ।

विप्लवको तर्फबाट भने महासचिवले शनिबार नै विज्ञप्ति जारी गरेर आफूहरू वार्ताको लागि तयार रहेको जानकारी गराइसकेका छन् । सरकारको डिल निकै अघि बढेपछि विप्लव वार्ताको लागि तयार रहेको म्यासेज दिनको लागि शनिबार विज्ञप्ति जारी गरिएको थियो ।

यसबीच पटक पटक सरकारपक्ष र विप्लव नेकपाका प्रतिनिधिबीच भौतिक भेटघाट भएको छ । छलफलमा विप्लव प्रतिनिधिहरूले ठूला नेताको रिहाई नभएसम्म वार्ता सम्भव नरहेको बताउँदै आएका छन् ।

त्यहि क्रममा सोमबार सर्वोच्चको आदेशपछि छुटेका नेता धर्मेन्द्र बाँस्तोलालाई अदालत परिसरबाटै पुनः प’क्रा’उ गरी प्रहरीले काभ्रे पुर्याएपछि वार्ता भाँडिएको आशंका गरिएको थियो । अहिलेसम्म थु’नामा रहेका विप्लवका नेता तथा कार्यकर्ताको संख्या यकिन भइसकेको छैन ।

आफ्नो पार्टी भन्दा पनि सरकार वार्ताको लागि आतुर रहेको विप्लवको ठहर छ । एकाध महिना वार्ताको नाममा समय कटाउन पाए राजनीतिक रुपमा सहज ढंगले अघि बढ्न सकिने प्रधानमन्त्री र सरकारको निश्कर्ष रहेको उनीहरूले बुझेका छन् ।

यसअघि सिके राउतलाई झैँ अहिले विप्लवलाई पनि आफूले वार्तामा ल्याएको राजनीतिक प्रचारको निम्ति मसला बनाउन मिल्ने भएकाले सरकार वार्ताको निम्ति हतारिएको विप्लव नेताहरूले बताएका छन् । उनीहरू भन्छन् ‘सबैकुरा थाती राखेर गरिने वार्ताको कुनै निश्कर्ष छैन । तर पनि वार्ता गर्छु भन्नेलाई किन नगर्ने भनिदिएका हौं ।’

नेकपाभित्र असन्तुष्टि बढ्दै गएपछि प्रधानमन्त्रीले गत असार-साउनदेखि वार्ताको पहल थाल्नुभएको उच्च स्रोतले बताएको छ । तर असोज ३ गते संविधान दिवसको दिन असन्तुष्ट समूह भन्दै कटाक्ष गरेको कारण आफूहरू ब्याक भएको विप्लवका धेरैजसो नेताले स्वीकारेका छन् ।

उनीहरूको निचोड छ ‘सायद त्यसरी मनपरी नभनेको भए वार्ता अलि अघि नै हुने थियो ।’

आज राखिएको क्याबिनेट बैठक सम्भवतः वार्ताको पहल र ब’न्दी रि’हा’इको लागि हुनसक्ने विप्लव नेकपाको अड्कल छ ।