आइतबार, साउन १७ २०८३ | Sunday 2nd August 2026 
राजनीति
नेपाल कम्युनिस्ट पार्टीलाई एक बनाइराख्न उपाध्यक्ष वामदेव गौतम सक्रिय भएका छन् । उनी एकताको सूत्रसहितको प्रस्ताव लिएर प्रधानमन्त्री केपी शर्मा ओलीलाई भेट्न बालुवाटार पुगेका छन् ।
गौतमले प्रधानमन्त्री ओलीलाई सत्ताबाट सम्मानजनक तरिकाले हट्ने र पार्टी एकीकरण बचाइराख्नेबारे प्रस्ताव लिएर गएको उनी निकट स्रोतले बताएको छ । गौतमले प्रधानमन्त्री ओलीको सार्वजनिक रुपमा राजीनामा मागिसकेका छन् ।
बिहिबार विहानै गौतमले नेकपा अध्यक्ष पुष्पकमल दाहाल प्रचण्डलाई भेटेका थिए । भेटमा उनले पार्टी एकीकरणको सूत्र प्रचण्डसामु अगाडि सारेका थिए । जसमा एकताका लागि ओलीसहितका उनी पक्षका नेताहरुलाई आव्हान गर्ने र सम्मानजनक बर्हिगमनको विषय थियो ।
प्रचण्डले गौतमसँगको भेटमा ओलीले प्रतिनिधि सभा विघटनको कदम चालेर गल्ती गरेकाले आत्मालोचना गर्नुपर्ने शर्त राखेका थिए ।
नेकपा विभाजनको अवस्थामा रहेपनि निर्वाचन आयोगमा एउटै रहेको छ । आयोगले अहिलेसम्म कुनै निर्णय दिएको छैन । तर, दुवै समूहले पार्टी विभाजनको घोषणा गरिसकेका छन् ।
