ओलीको दुई तयारी : संकटकाल र निर्वाचन

सर्वोच्चले संसद पुनःस्थापन गरेसंगै मन्त्रिपरिषद्ले २३ गते संसद् बैठक बस्नेगरी अधिवेशन आह्वान गर्न राष्ट्रपतिसमक्ष सिफारिस गरेको छ ।

२३ गतेअघि प्रधानमन्त्री केपी ओलीले राजीनामा दिएनन् र बीचमा कुनै नाटकीय सहमति भएन भने राजनीति झन् अन्योलग्रस्त हुनेछ ।

यता प्रधानमन्त्री ओलीले झन संक’टतिर मुलुकलाई लाने आकालन सुरु भएका छन् स्राेत भन्छ २३ गते संसदकाे सामना गर्न तयार भएका ओली टुंगो नलागे पुनः संसद विघटन गरेर संकटकाल लगाउने मुडमा छन् । जसरी पनि बल आफ्नाे कावुमा राख्ने तयारी कस्सियर लागेका छन् ।

संसद् अधिवेशन सुरु हुनुअघि ओलीले राजीनामा नदिए बैठकमा यो विषय सशक्त रूपमा उठ्नेछ । राजीनामाको विषयले संसद् बैठक नै अवरु’द्ध हुने अवस्था आउन सक्ने देखिन थालेको छ ।

प्रतिनिधिसभा विघटन गर्ने प्रधानमन्त्री ओलीको कदम सर्वोच्च अदालतले बदर गर्दै पुनःस्थापना गरेपछि नैतिकताको आधारमा उनले राजीनामा दिनुपथ्र्यो । तर ओलीले राजीनामा नदिने हठ लिएका छन् ।

आफूलाई काम नदिएको भन्दै उनले प्रतिनिधिसभा विघटन गरेका थिए । नेकपा दाहाल–नेपाल समूहले प्रतिनिधिसभा विघटन गरी प्रतिगमनकारी काम गरेको भन्दै ओलीवि’रुद्ध अविश्वासको प्रस्ताव लैजाने तयारी गरेको छ ।

ओलीले आ’त्मालोचना गरे मात्र उनीसँग सहकार्य हुन सक्ने दाहाल–नेपाल समूहले बताएको छ । तर ओली आ’त्मालोचना गर्ने पक्षमा छैनन् ।

ओलीले प्रधानमन्त्रीबाट राजीनामा र आ’त्मालोचना गरेर आए त्यही किसिमले छलफल हुने नभए उनलाई संसदीय दलको नेताबाट हटाउने र त्यति गर्दा पनि नभए प्रतिगमनविरु’द्ध रहेका संसद्वादी राजनीतिक पार्टीसँग सहकार्य गरेर अविश्वासको प्रस्ताव लैजाने रणनीतिमा दाहाल–नेपाल समूह छ । प्रतिनिधिसभा पुनःस्थापना भएपछि विभिन्न दलसँग भएको छलफलमा प्रतिगमनविरुद्धको आन्दोलनका सहयात्री मिलेर जानुपर्ने प्रस्ताव दाहाल–नेपाल समूहले राखेको छ ।

ओलीले समाएको बाटो प्रतिक्रा’न्ति र प्रतिगमनतर्फ केन्द्रित रहेकाले प्रतिगमनवि’रुद्ध सडकमा आएका दलहरू मिलेर अविश्वासको प्रस्ताव लैजाने र सरकार पनि मिलेर गठन गर्ने तयारी दाहाल–नेपाल समूहको छ ।