प्रकाण्ड गिरफ्तार भए पछि विप्लव द्धारा नेपाल बन्दको घोषणा, कार्यकर्तालाइ प्रतिरोध गर्न निर्देशन

सरकारले नेकपाका प्रवक्ता एवम् स्थायी समिति सदस्य प्रकाण्डलाई मङ्गलबार बेलुका ७ः३० बजे काठमाडौँको दक्षिणकालीबाट गिरफ्तार गरेको छ । उहाँका साथै हरिश्चन्द्र आचार्य र अर्का सहयोगीलाई पनि प्रहरीले गिरफ्तार गरेको छ । नेकपाले प्रवक्ता प्रकाण्डसहित तीनैजनाको गिरफ्तारीको भत्र्सना गर्दै प्रतिरोधात्मक सङ्घर्षका कार्यक्रम सार्वजनिक गरेर यही साउन २९ गते मङ्गलबार नेपाल बन्द घोषणा गरेको छ ।

नेकपाका महासचिव विप्लवले बुधबार विज्ञप्ति जारी गर्दै दमनले प्रतिरोध जन्माउने र त्यसले दमनकारी शासकहरूको अन्त्य गर्ने पनि जनाउनुभएको छ । पार्टी प्रवक्ताको गिरफ्तारीपछि अविचलित रही आआफ्नो जिम्मेवारीमा डटिरहन महासचिव विप्लवले सबै नेता र कार्यकर्तालाइ निर्देशन दिएका छन ।

यस्तो प्रतिरोधात्मक कार्यक्रम सार्वजनिक गरेको छ ः
२०७५ साउन २५ गते देशव्यापी कोणसभा
२०७५ साउन २६ गते विरोधसभा
२०७५ साउन २७ गते भण्डाफोर
२०७५ साउन २८ गते मशालजुलुस
२०७५ साउन २९ गते नेपाल बन्द