बिहिबार, असोज २२ २०८३ | Thursday 8th October 2026 
राजनीति
निवर्तमान प्रधानमन्त्री तथा एमाले अध्यक्ष केपी शर्मा ओली र राष्ट्रपति विद्यादेवी भण्डारीबीच दुई घण्टा लामो भेटवार्ता भएको छ ।
प्रधानमन्त्रीबाट हटेको दुई साता नपुग्दै राष्ट्रपति भण्डारी र ओलीबीचको भेटवार्तालाई अर्थपूर्ण रुपमा हेरिएको छ ।
अध्यक्ष ओली र राष्ट्रपति भण्डारीबीच शुक्रबार बिहान ११ः४० देखि दिउँसो १ः४० सम्म भेटवार्ता भएको उच्च सुरक्षास्रोतले जनाएको छ । राष्ट्रपति कार्यालय शीलतनिवासमा भएको भेटवार्ता के विषयमा केन्द्रीत थियो भन्ने खुलेको छैन ।
यसअघि प्रधानमन्त्री रहेका बेला ओली र राष्ट्रपति भण्डारी बीचको अवैध साँठागाँठमा प्रतिनिधि सभा विघटनदेखि विभिन्न अध्यादेश ल्याइएको भन्दै चर्को आलोचना हुने गरेको थियो । तर, ओली गत असार २८ को सर्वोच्च अदालतको आदेशबाट प्रधानमन्त्रीबाट हटिसकेका छन् ।
