पुर्व बिद्यार्थी नेता उषाकिरणको घरमा पक्राउ पुर्जी टाँस

नेत्र बिक्रम चन्द ‘विप्लव’ नेतृत्वको नेपाल कम्युनिस्ट पार्टी निकट अखिल(क्रान्तिकारी)का पुर्व केन्द्रीय सदस्य एवं नेपाल कम्युनिस्ट पार्टीका युवा नेता उषाकिरण आजादकोको घरमा पुर्जी टास भएको छ ।

उषाकिरण आजादको दैलेख, लकान्द्र सिराडिको गुवालीपुन्ना स्थित घरमा प्रहरीले १५ दिने अल्टिमेटम सहित पक्राउ पुर्जी टाँसेको छ । हिजो विहिवार ३ गते दिउँसो प्रहरी टोलि आजादको गूवालीपुन्ना स्थित घरमा पुगेको थियो । घरमा पक्राउपुर्जी लिएर आएको प्रहरी टोलीले घरपरिवारलाई धम्की समेत दिएको पारिवारीक स्रोतले राजनितिलाई बताएको छ ।

गत फागुण २१ मा नेपाल कम्युनिस्ट पार्टी र सरकारसंग भएको तिनबुँदे सहमतीमा सरकारले नेपाल कम्युनिस्ट पार्टीका नेता कार्यकर्ता माथी लगाईएका सबै मुद्दा फिर्ता लिने सहमती भएको थियो । सरकारले सम्पुर्ण नेता कार्यकर्ता ससम्मान रिहा गर्ने सहमती गरेपनी अझैँ सम्म रिहा गरेको छैन ।
नेपाल कम्युनिस्ट पार्टीसंग सरकारले आफैले गरेको सम्झौता पालना नगरेको भन्दै सरकारको चौतर्फी आलोचना भईरहेको छ । नेपाल कम्युनिस्ट पार्टीले झुट्टा मुद्दा लगाईएका नेता कार्यकर्ताको यथासिघ्र एवं स-सम्मान रिहाई, प्रगतिशील संयुक्त सरकार, वैज्ञानिक समाजवाद र दलाल संसदीय पूजीँवाद व्यावस्थाका विचमा जनमत संग्रहको आफ्नो राजनितीक कार्यनिती अगाडि सारेको छ ।