कांग्रेसकै समर्थनमा प्रधानमन्त्री बन्छु : प्रचण्ड

प्रधानमन्त्री तथा कांग्रेस सभापति शेरबहादुर देउवाले माओवादी लगायतका कम्युनिस्ट बाहेककाे सरकार बनाउने समाचार बाहिरिदा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले भने आफू कांग्रेस कै समर्थन मा गठबन्धन बाट प्रधानमन्त्री बन्ने दावी गरेका छन् । उनले आफूले एमाले नेतृत्वसँग छलफलको लागि तयारी गरेको भन्ने समाचारमा सत्यता नरहेको स्पष्ट पारेका छन्। उनले सत्ता गठबन्धन नछोड्ने स्पष्ट पारेका छन् ।

पत्रकार ऋषि धमलासँगको संक्षिप्त कुराकानीमा उनले एमाले नेतृत्वसँग सरकार गठनबारे तत्काल वार्ता तथा सम्वादको कुनै सम्भावना नरहेको दाबी गरे । उनले भने,‘एमालेसँग सरकार गठनको लागि वार्ता गर्ने भन्ने कुरामा सत्यता छैन् । यो गलत कुरा हो । हामी गठबन्धनमा छौं । यही गठबन्धनले नयाँ सरकार बनाउँछ ।’

दाहालले आफूले सत्ता गठबन्धनबाट नै सरकारको नेतृत्व गर्ने विश्वास दिलाए । पछिल्लो समय एमाले र माओवादी केन्द्रका नेताहरुले सत्ता सहकार्यको लागि भेटवार्ता गरेको समाचार आएका छन् ।

दाहालले भने ती भेटवार्ता निर्वाचनमा जितेकोमा एक अर्कामा बधाई साटासाटबाहेक केही पनि नभएको जिकिर गर्ने गरेका छन् । सत्ता गठबन्धनले नयाँ सरकार गठनको लागि गृहकार्य थालेको छ ।