माधव नेपाललाइ होस्टेमा हैंसे गर्दै वामदेव गौतम

सत्तारूढ दल (नेकपा)का वरिष्ठ नेता माधवकुमार नेपालले शुक्रबार नयाँ बानेश्वरस्थित इन्द्रेणी फुडल्याण्डमा आयोजना गरेको स्थायी कमिटीका सदस्यको भेलामा अर्का शीर्षनेता वामदेव गौतम पनि सहभागी भए । भेलामा नारायणकाजी श्रेष्ठ र सुवास नेम्वाङसमेत सहभागी थिए । तर, नेता गौतमले चाहिँ दुई/चार शब्द बोलेरै माधव नेपाललाई साथ दिए ।

तेस्रो स्थानमा रहेका नेता नेपालको अगुवाइमा भएको भेलालाई ‘चियापान कार्यक्रम’ को नाम दिइएको छे। एक सहभागी नेताका अनुसार भेलामा कसैको पनि लामो भाषण-भुषण भएन, माधव नेपाल र वामदेव गौतमले आफ्ना कुराहरु राखेपछि चियापान र अनौपचारिक गफगाफ भयो ।

भाषण गर्ने कार्यक्रम नभएकाले नेताहरु सहभागी हुने फर्कने क्रम लामै समय चलेको सहभागीले बताए । सबै नेताहरु एकसाथ उपस्थित हुने भन्दा पनि कार्यक्रममा सहभागी भएर फर्कने र आउने नेताहरुको क्रम अघिपछिसम्म चलेको थियो ।

माधव नेपालको असहमति दर्ज

शुक्रबारको भेलामा पूर्वप्रधानमन्त्री मााधवकुमार नेपालले सरकार र पार्टीले राम्रो ढंगले काम गर्न नसकेको भन्दै यसको समीक्षा गर्न जरुरी रहेको बताए ।

आफू विदेश जानेबेलामा पार्टी अध्यक्ष केपी ओलीसँग कुरा गरेको र स्वदेश नफर्किकन प्रदेश कमिटी गठन नगर्ने वचन दिएको नेता नेपालले स्थायी कमिटीका नेताहरुलाई बताए ।

माधव नेपाललाई उधृत गर्दै स्रोतले भनेको छ – ‘अध्यक्षले तपाई स्वदेश नफर्की निर्णय गर्दिनँ भन्नुभएको थियो, तर म नभएका बेला सचिवालयको बैठक बोलाउनुभएछ, सचिवालयको यो निर्णय मलाई मान्न नभएकाले आजै औपचारिकरुपमा असहमति दर्ज गरेको छु ।’