निर्मला पन्तको परिवारलाइ न्याय विप्लव नेतृत्वको नेकपाले दिने

लामाे सयम बितिसक्दा पनि कंचनपुर हत्याकाण्डमा बलात्कारपछि हत्या गरिएकि निर्मला पन्तका परिवारले न्याय नपाएपछि अब न्याय दिलाउने काम विप्लव नेतृत्वकाे नेपाल कम्युनिस्ट पार्टीले गर्ने भएकाे छ ।

नेपाल कम्युनिस्ट पार्टीले निर्मला पन्तकाे बलात्कार गरेर हत्या गर्ने हत्यारालार्इ पत्ता लगार्इ कार्वाही गर्ने समेत उदघाेष गरेकाे छ । ४९ दिनकाे लामाे प्रहरी हिरासतपछि रिहा भएका नेकपाका प्रवक्ता प्रकाण्डले मंगलबार बेलुकी पत्रकारहरूका सामु यस्ताे उद्घाेष गरेका हुन् ।

घटना घटेकाे झण्डै तीन महिना पुग्नै लाग्दा पनि राज्यले यति सानाे घटनाकाे दाेषीलार्इ पत्ता लगाएर कार्वाही गर्न नसकेकाे भन्दै प्रकाण्डले अाक्राेश व्यक्त गरे । ‘नेपालकाे राज्य कतिसम्म निकम्मा र असफल छ भन्ने कुरा निर्मला पन्तकाे परिवारले अहिलेसम्म न्याय नपाउने अवस्थाले देखाइसक्याे ।’ प्रकाण्डले पत्रकारहरूका अगाडि भने ।

अाेली सरकार दाेषीहरूलार्इ संरक्षण गर्न लाग्दा अहिलेसम्म हत्यारा पत्ता नलागेकाे नेता प्रकाण्डकाे भनार्इ छ । अब अाफ्नाे पार्टीले निर्मलाका परिवारलार्इ जसरी पनि न्याय दिलाइछाड्ने संकल्प प्रकाण्डले गरे । ‘हामी निर्मलाका हत्यारालार्इ पत्ता लगाएर कार्वाही गरिछाड्छाैं र उनकाे परिवारलार्इ न्याय दिलाइछाड्ने छाैं ।’ प्रकाण्डले भने ।