आखिर प्रधानमन्त्री ओलीलाइ भयो कोबाट थ्रेट ? सुरक्षा सामग्री किन्न चाहियो साढे २ करोड..

भ्रमणमा ५३ लाख खर्च

कात्तिक महिनामा मात्रै मन्त्री र कर्मचारीहरुको विदेश भ्रमणबापत ५३ लाख रुपैयाँभन्दा धेरै रकम भुक्तानी गरेको छ । अर्थ मन्त्रालयका कर्मचारीको भ्रमणका लागि ३५ लाख ७७ हजार, रक्षामन्त्री ईश्वर पोख्रेलको चीन भ्रमणका लागि १३ लाख, कानुन मन्त्रालयका सचिवको फ्रान्स भ्रमणको लागि ४ लाख ८० हजार र उद्योगमन्त्रीको चीन भ्रमणको लागि ३६ हजार रुपैयाँ खर्च भएको अर्थ मन्त्रालयले जनाएको छ ।

प्रधानमन्त्रीको सुरक्षाको लागि झण्डै साढे २ करोड

प्रधानमन्त्रीको सुरक्षाको लागि सचिवालयलाई सुरक्षा सामग्री खरिद गर्न कात्तिक महिनामा २ करोड ४२ लाख २५ हजार रुपैयाँ रकमान्तर गरी उपलब्ध गराइएको छ । यो रकमले प्रधानमन्त्रीको सुरक्षाको लागि सुरक्षाका उपकरण किन्ने अर्थ मन्त्रालयको विवरणमा उल्लेख छ ।

महिला आयोगलाई गाडी किन्न ३ करोड

अर्थ मन्त्रालयले रकमान्तर गरेर राष्ट्रिय महिला आयोगलाई गाडी किन्न ३ करोड रुपैयाँ छुट्याएको छ । आयोगका पदाधिकारी र सचिवका लागि ६ वटा गाडी किन्न ३ करोड रुपैयाँ छुट्याइएको अर्थ मन्त्रालयले जानकारी दिएको हो ।