बिहिबार, कार्तिक २० २०८३ | Thursday 5th November 2026 
राजनीति
काठमाडौं । काठमाडौं महानगरपालिकाका मेयर बालेन्द्र शाह (बालेन) कार्यपालिका र नगरसभाको बैठक बोलाउन तयार भएका छन् ।
बुधबार काठमाडौं प्लाजामा उपमेयर सुनिता डंगोल, तीन जना वडाध्यक्षसहितको उपस्थितिमा भएको छलफलमा मेयर बालेन शाहले कार्यपालिका बैठक बोलाउने सहमति जनाएका हुन्।
छलफलमा वडा- १७ का वडाध्यक्ष नवीन मानन्धर, वडा-३२ का वडाध्यक्ष नवराज पराजुली र वडा- १५ का वडाध्यक्ष ईश्वरमान डंगोल सहभागी थिए।’हिजो मेयर साब चाँडै कार्यपालिका बैठक र नगरसभा डाक्न सहमत हुनुभएको छ,’ मानन्धरले भने, ‘अब चाँडै बैठक बस्छ।’
पछिल्लो समय पुसदेखि कार्यपालिका बैठक बस्न सकेको थिएन। जसले गर्दा महानगरको बजेट समेत अन्योलमा परेको थियो।
