बिहिबार, कार्तिक २० २०८३ | Thursday 5th November 2026 
राजनीति
काठमाडौँ। प्रधानमन्त्री केपी शर्मा ओलीले संघीय मामिला तथा सामान्य प्रशासन मन्त्री राजकुमार गुप्तालाई बालुवाटार बोलाएका छन्।
गुप्ताले घुस डिल गरेको अडियो सार्वजनिक भएपछि उनलाई हटाउन चौतर्फी दाबब सुरु भएको छ । त्यसपछि प्रधानमन्त्री ओलीलाई उनले छलफलका लागि आज बालुवाटार बोलाएका हुन् ।
बालुवाटार स्रोतका अनुसार प्रधानमन्त्री ओलीले मन्त्री गुप्तासँग पहिला ब्रिफिङ लिने र त्यसपछि उनलाई राजीनामा दिन लगाउने तयारी गरेका जनाइएको छ।
मन्त्री गुप्ताले राजीनामा नदिए बर्खास्त गर्ने तयारी गरिएको बुझिएको छ। उनले राजीनामा दिएपछि प्रकरणको निष्पक्ष छानबिन र अनुसन्धानका लागि अख्तियारवाला राज्यका निकायलाई अनुसन्धानका लागि पत्राचार गरिने भएको छ ।
भूमि आयोग कास्कीका अध्यक्ष नियुक्ति र अन्य कर्मचारीहरूको सरुवा बढुवाका लागि मन्त्री गुप्ताले बिचौलियासँग लाखौंको डिल गरेको अडियो सार्वजनिक भएको भएको थियो ।
