बिहिबार, कार्तिक २० २०८३ | Thursday 5th November 2026 
राजनीति
काठमाडौं । नेपाली कांग्रेसको केन्द्रीय कार्यसम्पादन समितिको बैठक पार्टी केन्द्रीय कार्यालय सानेपामा बसेको छ ।
उपसभापति पूर्णबहादुर खड्काको अध्यक्षतामा शुक्रबार केन्द्रीय कार्यसम्पादन समितिको बैठक बसेको हो । बैठकमा सभापति शेरबहादुर देउवा भने अनुपस्थित छन् ।
गत भदौ २४ गते जेनजी पुस्ताहरुले आन्दोलनका क्रममा सभापति देउवाको बुढानिलकण्ठस्थित घरमा आगजनी र तोडफोड गर्नुको साथै देउवा दम्पतीमाथि कुटपिट समेत गरेका थिए । उक्त कुटपिटमा घाइते भएका देउवा दम्पतीको उपचार भैरहेको छ ।
सभापति देउवाले आज संविधान दिवसका अवसरमा शभकामना सन्देश भने जारी गरेका छन् । जेनजीहरुको आन्दोलनकै क्रममा कांग्रेस पार्टी कार्यालयमा समेत आगजनी गरिएको थियो । जेनजीको आगजनी पछि आज पहिलो पटक सानेपामै कांग्रेसको केन्द्रीय कार्यसम्पादन समितिको बैठक बसेको हो ।
