आइतबार, साउन १७ २०८३ | Sunday 2nd August 2026 
राजनीति
काठमाडौं । नेपाली कांग्रेसको केन्द्रीय कार्यालयमा नेपाल विद्यार्थी संघ (नेविसंघ) ले तालाबन्दी गरेको छ ।
आइतबार बस्ने भनिएको पार्टीको केन्द्रीय कार्यसमितिको बैठक स्थगित भएपछि विरोध जनाउँदै नेविसंघका नेता, कार्यकर्ताहरुले पार्टी केन्द्रीय कार्यालयमा तालाबन्दी गरेका हुन् । बैठक सुरु हुनुभन्दा अगाडी नै नियमित महाधिवेशनको पक्षमा तत्काल निर्णय गर्न दबाब दिनको लागि नेविसंघका नेता, कार्यकर्ता केन्द्रीय कार्यालय पुगेका थिए ।
तर बैठक नै स्थगित भएपछि आक्रोशित भएका नेविसंघका नेता, कार्यकर्ताहरुले कार्यालयमा तालाबन्दी गर्दै नाराबाजी गरेका हुन् । युवाहरुको प्रतिनिधित्व सुनिश्चित गर, नियमित महाधिवेशनको धारणा सार्वजनिक गर लगातका प्ले कार्डहरु लिएर नेविसंघका कार्यकर्ताहरुले पार्टी कार्यालयमा विरोध जनाएका हुन् ।
