एक महिनाअघि विवाह बन्धनमा बाँधिएकी ममता जापानमा दुर्घटनामा परी मृत्यु

जापानमा दुर्घटनामा एक नेपाली महिलाको मृत्यु भएको छ। जापानको विपरित दिशाबाट आएको नागोयामा नुवाकोटको शिवपुरी गाउँपालिका घर भएकी ममता मोक्तानको विपरित दिशाबाट आएको गाडीको ठक्करबाट सोमबार बिहान मृत्यु भएको हो।

ममताको मृत्युपछि नागोया प्रहरीले यसबारे अनुसन्धान सुरु गरिसकेको परिवारजनले जनाएको छ।

अप्रिल ४ मा जापान गएकी ममता एक महिनाअघि मात्र विवाह बन्धनमा बाँधिएकी थिइन्। ओकिनावाबाट जापानी भाषा अध्ययन सकेर नागोंयामा होक्काईची कलेज अफ ईन्फरमेशन सेन्मोन गाक्कोमा अध्ययन गर्दै आएकी ममताको कलेज जाने क्रममा साइकललाई गाडीले ठक्कर दिई दुर्घटना हुँदा घटनास्थलमै मृत्यु भएको हो।