सुकुम्बासी बस्तीमा प्रदर्शन, रवि लामिछानेलाई ‘छाती थाप्न आउन’ आग्रह

काठमाडौं । सरकारले थापाथलिस्थित सुकुम्बासी बस्ती हटाउने तयारी गरेसँगै प्रदर्शन सुरु भएको छ ।

प्रहरीले हिजो साँझ माइकिङ गरेर सुकुम्बासी बस्ती खाली गर्न आग्रह गरेको थियो भने अटेरी गरे आज डोजर लगाउने तयारी गरेको थियो । सरकारले बस्ती खाली गर्न निर्देशन दिएसँगै डोजर जानु अघि नै सुकुम्बासी बस्तीमा प्रदर्शन गरिएको छ ।

जनेजी युवाहरु र स्थानीय सुकुम्बासीहरुले अहिले प्रदर्शन गरिरहेका छन् । प्रदर्शनमा उत्रिएका उनीहरुले प्रधानमन्त्री बालेन्द्र शाह र रास्वपाका नेतृत्वहरुविरुद्ध नाराबाजी गरिरहेका छन् भने रास्वपालाई बाचापत्र स्मरण गराई रहेका छन् ।

विभिन्न नारा लेखिएका प्लेकार्डमा स्थानीय सुकुम्बासी र जेनजी युवाहरुले प्रदर्शन गरिरहेका छन् । उनीहरुले रास्वपभा सभापति रवि लामिछानेलाई लक्षित गरी छाती थाप्न आउँ भन्दै नाराबाजी समेत गरेका छन् ।