‘खुइली’ले श्याम तामाङविरुद्ध हालिन् साइबर ब्युरोमा उजुरी

हाँस्य कलाकार नविना सिलवाल ‘खुइली’रास्वपा कार्यकर्ता श्याम तामाङविरुद्ध साइबर ब्युरो पुगेकी छन्।

सामाजिक सञ्जालमा सहनै नसक्ने किसिमका गालीगलौजपूर्ण अभिव्यक्ति दिएको भन्दै उनले उजुरी दिएकी हुन् । ‘त्यहाँबाट न्याय पाउँछु भन्ने अपेक्षा राखेकी छु,’उनले भनिन्।

खुइलीले तामाङले रास्वपाका विषयमा कसैले थोरै मात्र फरक धारणा राख्दा पनि गालीगलौजमा उत्रिने गरेको आरोप लगाएकी छन् । उनका अनुसार राजनीतिक विषयमा फरक मत राख्नु सामान्य लोकतान्त्रिक अभ्यास भए पनि फरक विचार राख्ने व्यक्तिलाई सामाजिक सञ्जालमै अपमानित गर्ने र गालीगलौज गर्ने प्रवृत्ति स्वीकार्य हुन सक्दैन ।

धनकुटा घर भएका तामाङ रोजगारीका लागि मलेसियामा रहँदै आएको र हाल नेपाल आएको बताइएको छ ।