मोदीका विशेष दूत एस जयशंकरले लिए मन्त्रीको सपथ

नेपालमा नयाँ संविधान जारी गर्ने बेला भारतीय प्रधानमन्त्री नरेन्द्र मोदीका विशेष दूत बनेर नेपाल आएका पूर्वविदेश सचिव एस जयशंकरले मन्त्री पदको सपथ लिएका छ । बिहीबार साँझ भारतीय राष्ट्रपति रामनाथ कोविन्दले जयशंकरलाई मन्त्री पदको सपथ खुवाएका हुन् ।

जयशंकर नेपालमा भारतले अप्रत्यक्ष रुपमा लगाएको नाकाबन्दीका बेला मोदीको विशेष दूत बनेर नेपाल आएका थिए ।

जयशंकर भारतले नेपालमा नाकाबन्दी लगाएका बेला विदेश सचिवको जिम्मेवारीमा रहेका थिए । उनले त्यसबेला नेपालको संविधान निर्माणको कार्य रोक्न खोजेको भन्दै व्यापक आलोचना भएको थियो । उनलाई नेपाल मामला जानकार समेत भनिन्छ ।