नेकपाको बैठक स्थलमा तल प्रहरी, माथी हेलिकप्टर, आखिर के का लागी ?

गौरवशाली पार्टी नेकपाको छौटौ सिन्धुली वैठक पछि  गत साउन महिनामा सातौं पुर्ण बैठक अर्घाखाँचीमा दुश्मनका घेराबन्दी र दमनका बिचमा बस्दै थियो ।

गत साउन  ५ गते बिहान उठेर आफ्नो नियमित सक्दै वैठकको प्रतीक्षामा  बस्यौं । खाना खाइवरी दिउँसो  बैठक हुने सुचना आयो । सबै कमरेड बैठक स्थलमा प्रवेश  गरिसकेपछि महासचिव कमरेड प्रवेश गर्नु भयो । सवैले गर्मजोशका साथ उठेर स्वागत गर्यौ ।
त्यसपछि  बैठक  आरम्भ भयो ।

६ गते वैठक नियमित रुपमा चल्यो । बैठक चल्दै गर्दा ७ गते महासचिव कमरेडले  दुश्मन बैठक विथोल्नका लागी नजिकनजिक प्रहरी परिचालन गरेको सूचना सम्प्रेषण  गर्नु भयो ।

खाना खाए पछि पुनः  बैठक चलिरहेको थियो । एक्कासि बैठक हलको माथिमाथी हेलिकप्टरले  दुईतिन फन्का लगायो । हेलिकप्टर फर्केर  गयो । त्यो पनि बैठक बिथोल्न कै निमित्त गरिएको हर्कत थियो । महासचिव कमरेडले गर्नु भएको सूचना सम्प्रेषण  सहि थियो र त्यो पुष्टि पनि भयो ।

 

दुश्मनले पुरै शक्ति  लगाएर वरिपरि प्रहरी परिचालन गरेर वैठक बिथोल्ने ढंगले आइसकेपछि निर्धारित समयमै वैठक सकेर महासचिव कमरेडले समापन गर्नुभयो ।